عــــــذرا ...

من باب التنويه مش أكثر عشان مش يتقال اني لزقة بغرى

الكلام اللي بالعامية ده كلام اغنية لمدحت صالح( متحلمشي) عشان بس مش يتقال ان واحد عايز يخلص مني و انا كاتمة على نفسه

مستني ايه إمشي ...

لن ارحل و ليس لأني غير قادرة و لكني أأبى الرحيل و لا أريده

الحلم منفعشي ...

و لكني كلي إيمان أنه سيكتمل و سأحياه كما أريد

فوق من خيالك فوق ...

كل ما في دنيتنا كان خيال تحقق فكيف أسلب نفسي حقها المشروع في الخيال

إنسى بقى و أمشي ...

لن أنسى ما حييت لأني أعلم أنه آت لا محال فلا تسألني النسيان

إقفل على قلبك كفاية تجرحه ...

قلبي من فتح بابه على مصرعيه و كله يقين أني لن أجرحه أبدا فكيف أوصد الباب في وجهه

و تعلقه بحبال أماني تطوحه ...

لا يمكن للأماني أن تغدر بنا بل إنها تسمو بأرواحنا فكيف نجهضها في قلوبنا

من النهارده الحلم مش هيفرحه ...

لن ييأس قلبي من حبي و سيسعد دوما بحلمي

أرجوك ... متحلمشي .. متحلمشي ...

عذرا و لكن حلمي و قلبي و حبي أقوى من رجاءك