زي النهاردة

زي النهاردة زي النهاردة 15 / 4 السنة اللي فاتت كان قبل النهاردة بيوم ( السبت ) و كان نص الشهر العربي يعني القمر بدر و كان أجازة عشان مولد سيدنا محمد صلى الله عليه و سلم ... و كان الجو غير النهاردة ... و ناس غير الناس ... و مكان غير المكان ... النهاردة فعلا غير امبارح زي ما بيقولوا ... حاجات تتغير عشان طبيعة ... و حاجات تغييرها بايدينا ... و نمشي في دنيتنا و نمثل اننا ناسيين ... اننا مبسوطين ... و لا حاجة جرحانا .. و لا قلبنا وجعنا ... و نقول بكرة اكيد غير .. ناسيين ان اللي بيتغير في بكرة مالوش دعوة بينا .. و مش بيغير حاجة فينا .. بس يمكن أملنا في حاجة تنسينا .. و حلمنا بحاجة تداوينا .. هو اللي بيفتح عنينا كل يوم .. و يخلينا نسال .. امتى ييجي بكرة اللي غير النهاردة ... و لما ييجي بكرة .. ساعتها نستغرب .. هو صحيح النهاردة اللي كان امبارح بكرة .. هو صحيح غير !!!!! بكرة اكيد هيكون غير .. في الناس .. في المكان ... حتى النهاردة 15 / 4 السنة الجاية مش هيكون زي النهاردة .. ممكن يزيد علينا ناس .. او حتى يقل ناس

عشان كده هيفضل امبارح هو هو .... و النهارده هو هو ... و أكيد أكيد بكرة غير